V
félagar
eitt sinn hrópuðum vér
öreigar allra landa sameinist
nú sogumst vér inn í allsnægtaþriðjunginn
sem liggur á meltunni eins og kyrkislanga
meðan hinir tveir þriðjungarnir svelta
og hvílíkar allsnægtir
happdrættisíbúð og happdrættisbíll
kæliskápur aligæs rínarvín
sjónvarpstæki
sem flytur oss kraftbirtingu svindlsins
rafeindaheili
sem gerir skynfæri vor að niðursetningum
eldflaug
sem þeytir oss út í tómið
hvílík tækni að breyta vél í sál sál í vél
en hvar er sáluhjálpin
hvar er hamingjan
hversvegna bregðast guðfræðingarnir svona
hversvegna gafst séra sigurður upp
hversvegna forhertist félagi stalín
hvað segir mogginn hvað segir pravda
mogginn það þýðir morgunblaðið
eigum vér þá að segja upp morgunblaðinu
pravda það þýður sannleikurinn
eigum vér þá að hætta að leita sannleikans
hvað er sannleikur
hvað er sannleikurinn mörg megatonn
eða er sannleikurinn þessi neftrónugeisli
sem leggur líf vort í einelti gegnum múrana
förum varlega félagar
allsnægtir einar færa oss ekki hamingju
leghöll úr marmaranægir oss ekki til sáluhjálpar
glötum ekki sjóninni við að metast á
um afrek eða fólskuverk harmleiksins
röltum heldur fram í dal
og gefum aumingjanum spegil
því tíminn er naumur
og allir sem heyja þetta kalda dauðastríð
eru blaktandi blaktandi strá
– Jóhannes úr Kötlum
Færðu inn athugasemd